શેરબજારમાં હિંડનબર્ગના રિપોર્ટ ની અસર ન દેખાઈ : સવારમાં શેરબજાર તૂટયા બાદ બપોરે હરિયાલી જોવા મળી, સેન્‍સેક્‍સ ૨૬૫ તો નીફટી ૭૦ પોઇન્‍ટ અપ

અમેરિકન શોર્ટ-સેલર ફર્મ હિંડનબર્ગે દાવો કર્યો હતો કે સેબી ચીફ માધવી પુરી બુચ અને તેમના પતિ ધવલ બુચ બર્મુડા અને મોરેશિયસ સ્‍થિત ઓફશોર ફંડ્‍સમાં હિસ્‍સો ધરાવે છે. અહેવાલમાં દાવો કરવામાં આવ્‍યો છે કે આ ભંડોળનો ઉપયોગ ગૌતમ અદાણીના ભાઈ વિનોદ અદાણી દ્વારા મહત્‍વપૂર્ણ શેર ખરીદવા અને અદાણી જૂથમાં બિઝનેસ કરવા માટે કરવામાં આવ્‍યો હતો. આ આરોપ બાદ અદાણી ગ્રૂપના શેર ૭% તૂટ્‍યા છે. સોમવારે સવારે શેરબજાર ઘટાડા સાથે ખુલ્‍યું હતું પરંતુ બાદમાં તેમાં રિકવરી જોવા મળી હતી આ લખાય છે ત્‍યારે ૨૬૫ પોઇન્‍ટ વધીને સેન્‍સેક્‍સ ૭૯૯૭૧ અને નિફટી ૨૬૫ વધીને ૨૪૪૩૮ ઉપર છે. No Impact Of Hindenburg Report On Indian Stockmarket Sensex - Nifty Up

બજાર નિષ્‍ણાતો પહેલેથી જ આશા રાખતા હતા કે હિંડનબર્ગના અહેવાલની શેરબજાર પર લાંબા ગાળાની અસર નહીં પડે. આ પાછળના કારણનો ઉલ્લેખ કરતાં, તેમણે કહ્યું હતું કે સેબી પરનો નવો હિંડનબર્ગ રિપોર્ટ માત્ર એવો ભ્રમ ફેલાવવાનો પ્રયાસ કરે છે કે ઓફશોર ફંડનો અર્થ છે કે કેટલીક ગુનાહિત પ્રવૃત્તિ થઈ છે. તેમણે કહ્યું કે કથિત લાભાર્થી અદાણી જૂથ પરના તેમના પોતાના અગાઉના દાવાઓ કોઈપણ પુરાવા વિના અણઘડ રીતે પુનરાવર્તિત કરવામાં આવ્‍યા છે, જેને સુપ્રીમ કોર્ટે પણ ફગાવી દીધા છે.

► સેબીના વડા માધાબી પુરી બૂચે શું કહ્યું ?

આ ઉપરાંત, સેબીના વડા માધાબી પુરી બૂચે હિંડનબર્ગના આરોપો પર એક ઝડપી ટિપ્‍પણીમાં કહ્યું હતું કે તે દુર્ભાગ્‍યપૂર્ણ છે કે હિંડનબર્ગ રિસર્ચ, જેની સામે સેબીએ અમલીકરણની કાર્યવાહી કરી છે અને કારણ બતાવો નોટિસ જારી કરી છે, હવે ટીકા કરીને તે જ જવાબ આપ્‍યો છે. અમારા ચારિત્ર્યનો ભંગ કરવાનો પ્રયાસ કરવામાં આવ્‍યો છે. આ સિવાય અદાણી ગ્રૂપ દ્વારા જારી કરાયેલા નિવેદનની પણ રોકાણકારોના સેન્‍ટિમેન્‍ટ પર અસર પડી છે.

ગૌતમ અદાણીની આગેવાની હેઠળના જૂથે નિવેદનમાં કહ્યું હતું કે, નવા અહેવાલમાં કરાયેલા આક્ષેપો દૂષિત છે અને તથ્‍યો સાથે છેડછાડ કરીને રજૂ કરવામાં આવ્‍યા છે. અમે હિંડનબર્ગ દ્વારા જૂથ વિરૂદ્ધ કરવામાં આવેલા આ તમામ આરોપોને સંપૂર્ણપણે નકારી કાઢીએ છીએ, જે ફક્‍ત અમને બદનામ કરવા માટેના રિસાયક્‍લિંગ દાવાઓ છે. અદાણી ગ્રૂપ વતી એવું કહેવામાં આવ્‍યું છે કે અગાઉ કરવામાં આવેલા આ તમામ આરોપોની સંપૂર્ણ તપાસ કરવામાં આવી છે, જે સંપૂર્ણપણે પાયાવિહોણા સાબિત થયા છે. આ પહેલા જ જાન્‍યુઆરી ૨૦૨૪માં સુપ્રીમ કોર્ટ દ્વારા ફગાવી દેવામાં આવી છે.

► અદાણી ગ્રુપના શેરના ભાવમાં એકંદરે નજીવો ઘટાડો

અદાણી ગ્રુપના શેરનો ભાવ સાંજેે

Adani Total Gas રૂ.834.25 (-4.1%),

અદાણી એનર્જી સોલ્‍યુશન્‍સઃ રૂ.1,067.90 (-3.25%),

અદાણી વિલ્‍મરઃ રૂ. 369.1 (-4.2%),

અદાણી Ports And SEZ: રૂ.1501.4 (-2.1%),

અદાણી એન્‍ટરપ્રાઇઝિસઃ રૂ. 3151.75 (-1.1%),

અદાણી પાવરઃ રૂ. 691.5 (-0.6%),

અદાણી ગ્રીન એનર્જીઃ રૂ. 1798.3 (1.0%),

એસીસીઃ રૂ. 2313.6 (-1.6%),

એનડીટીવીઃ રૂ. 202.73 (-2.7%),

અંબુજા સિમેન્‍ટ્‍સઃ રૂ. 635.45 (0.5%) છે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel , No Impact Of Hindenburg Report On Indian Stockmarket Sensex - Nifty Up,  Stock market turns green after break in tone, Sensex 265, Nifty up 70 points